Интер подготвува амбициозна понуда за Донарума

Интер подготвува амбициозна понуда за голманот на Пари Сен Жермен, Џанлуиџи Донарума. „Нероазурите“ будно ја следат ситуацијата со италијанскиот интернационалец и можно е да се обидат да го ангажираат, тврди „Скај Италија“.

Интер веќе бара замена за Јан Сомер, кој има 36 години, а неговиот настап оваа сезона е далеку од брилијантен како што беше случај во првата кампања со миланскиот гигант. Токму поради ова, на „Џузепе Меаца“ сериозно размислуваат да се обидат да го „украдат“ Донарума од ПСЖ.

Голманот (26) има договор со францускиот гигант до 2026 година и неговата иднина во моментов не е сосема јасна. Тој е во преговори за продолжување на договорот, кои сепак се далеку од финализирање. Токму поради тоа Интер се надева дека ќе може да интервенира и да ги „замати водите“ околу Донарума.

Според експертот за трансфери Џанлука Ди Марцио, Интер веќе имал првични разговори со Донарума за да ги тестира водите за евентуален трансфер. Доколку го облече дресот на „нероазурите“, тоа сигурно дополнително ќе ги сврти против него навивачите на неговиот матичен клуб Милан. Се уште не му простиле што си замина како слободен играч во 2021 година