Леклер е опседнат со мислата за титула со Ферари

Шарл Леклер призна дека е „опседнат“ со помислата да стане светски шампион во Формула 1 со Ферари. Возачот од Монако ја започнува својата седма сезона со Скудерија и има забележано 126 трки со црвениот тим.

Само Михаел Шумахер, Кими Раиконен и Фелипе Маса имаат повеќе стартови за Ферари од Леклер.

Пилотот има 8 победи за 6 години во Маранело и никогаш не бил сериозен кандидат за светската титула.

-Ова е мојата единствена цел и сон што се уште не сум ги исполнил. Како дете имав многу соништа – да бидам Формула 1 возач, потоа да возам за Ферари, да победам во Монца и во Монако, сето тоа сега е факт. Сега ми останува само да станам светски шампион. Јас сум опседнат со ова, изјави Леклер во Мелбурн.