Премиерлигата ќе има два преодни рокови во летниот период

Клубовите од Премиер лигата ги изгласаа датумите на кои ќе се отвори летниот преоден рок. Ова лето всушност ќе има два преодни рока. Раниот ќе биде отворен меѓу 1-ви и 10-ти јуни и ќе им даде можност на клубовите да се засилат пред почетокот на Светското клупско првенство.

Англиски учесници на турнирот, кој ќе започне на 14 јуни се Манчестер Сити и Челси. Прозорецот потоа повторно ќе се отвори на 16 јуни и ќе се затвори на 1 септември.

Претходно оваа недела стана јасно дека некои клубови сакаат прозорецот да се затвори пред почетокот на новата сезона во Премиер лигата, која започнува на 14 август. Во спротивно, екипите од Англија ќе бидат во нерамноправна позиција.

Во 2018 и 2019 година, прозорецот во Премиер лигата беше затворен пред почетокот на новата сезона, но во 2020 година оваа иновација беше откажана.