Манчестер сити може да плати 60 милиони евра за Ларсон

Манчестер сити влезе во трката за играчот од средниот ред на Ајнтрахт Франкфурт, Хуго Ларсон, објави новинарот Флоријан Плетенберг.

Според Плетенберг, за фудбалерот се заинтересирани и Арсенал, Ливерпул и Тотенхем.

Од продажбата на 20-годишниот Швеѓанец бундеслигашот очекува да заработи најмалку 60 милиони евра.

Ларсон настапува за германскиот клуб од летото 2023. Сезонава одигра 37 натпревари во сите натпреварувања, постигнувајќи шест гола и една асистенција.

Трансфермаркт неговата пазарна вредност ја проценува на 40 милиони евра.