Најмалку шест лица повредени кога глисер со 36 лица експлодирал во близина на брегот на Тајланд

Најмалку шест лица се повредени кога глисер со 36 туристи и членови на екипажот експлодирал во близина на брегот на Тајланд кај островот Мајтон.

Бродот „Тана Марин 555“ бил на само 50 метри од брегот кога се случила експлозијата, претворајќи го глисерот во огнена топка. Од силата на експлозијата испуштени се остатоци во воздухот, бидејќи пламенот брзо го зафатил бродот, овозможувајќи им на патниците само неколку секунди да реагираат.

Туристи, претежно од Русија и Казахстан, скокнале во водата борејќи се за живот. Подоцна биле спасени од брод кој поминувал.

Начапонг Пранит, директор на поморската канцеларија во Пукет, рече дека спасувачкиот тим бил испратен по дојавата за несреќата во 9:20 часот.

- Пожарот брзо се прошири. На бродот имало 36 членови на екипажот и туристи. Сите успеаја навреме да излезат од бродот. Сепак, има полесни повреди, наведуваат надлежните.

Се додава дека тројца туристи биле повредени, како и капетанот, водичот и механичарот на бродот, кои се здобиле со изгореници и биле пренесени во болница.