Волфсбург со амбициозна мета, сакаат да го вратат Кевин Де Бруин

Бундеслигашот Волфсбург лесно му понуди враќање на Кевин Де Бруин, откако белгискиот играч за врска објави дека ќе го напушти Манчестер Сити по 10 години летото.

„Драг Кевин, се сеќаваш? Ти и јас пред десет години? А ние двајца повторно?“ Волфсбург објави на својот Х профил, нарекувајќи го „клупска легенда“.

Де Бруин играше во Волфсбург од јануари 2014-та до јуни 2015-та година, пред да започне кариера полна со трофеи во Сити, вклучувајќи ја Лигата на шампионите и шест титули во Премиер лигата.

Во 2012-2013 има уште една сезона во германската Бундес лига, во Вердер Бремен како позајмен од Челси.

Фудбалерот преку платформата X објави дека ќе го напушти Сити кога ќе му истече договорот на крајот од сезоната. Де Бруин е еден од највлијателните играчи во тимот на Гвардиола, но во последно време не добива голема минутажа.

Тој не го објави својот следен чекор, но има шпекулации дека би можел да ја заврши кариерата во Саудиска Арабија или во САД.