Нокиа 3310 се враќа на пазарот

Модерна верзија од телефонот 3310 ќе биде претставена на крајот на месецот на Светскиот конгрес за мобилна технологија. HMD Global, компанијата која ги откупи правата за користење на брендот Нокиа на своите корисници им најави дека повторно ќе го врати на пазарот единствениот и неповторлив Нокиа 3310.

Засега нема никакви информации за самиот уред, но најверојатно нема да биде паметен телефон, туку класичен мобилен кој на корисниците би требало да им ги овозможи опциите на оригиналот – повици, пораки и батерија која трае со денови.

Освен овој модел, HMD Global во Барселона ќе престави уште два паметни телефона кои ќе работат на Android, а првенствено е цената да ги привлече корисниците.

Новата верзија на Nokia 3310 ќе биде достапна за сите љубители на овој телефон и ќе чини 59 евра.