Грција им дава азил на 10.000 бегалци

Најмалку 10.000 бегалци, меѓу кои и две илјади малолетни лица, се очекува да останат во Грција во следните три години, откако им се одобрени барањата за азил.

Одобрените барања за азил изнесуваат околу една шестина од повеќе од 60.000 мигранти кои во моментов се заглавени во Грција, по минатогодишната одлука да се затвори балканската рута.

Пристигнувањето нови мигранти во Грција значително е забавено по договорот меѓу Европската унија и Турција во март минатата година. Сепак, на грчкиот брег од соседна Турција се уште пристигнуваат бегалци, а нивниот број се очекува да се зголеми со подобрувањето на временските услови.

Според грчката служба за азил, во јануари годинава барања за азил поднеле вкупно 1.912 мигранти.