Вардар со ново засилување: потпиша Јања Војводиќ

Српскиот интернационалец Јања Војводиќ до 2019 година ќе биде дел од екипата на Вардар, откако беше потпишан 2,5 годишен договор за соработка. Војводиќ е веќе на тренинзите на Вардар и треба да дебитира на натпреварите од домашното првенство. Игра на позицијата среден бек и ќе биде дополнителна помош за нашите бекови.

Првите чекори во ракометот, 22-годишниот интернационалец ги прави во школата на Врбас, а потоа има настапувано и за екипата на Металург, Сласк Вроцлав и во Шпанија.

Војводиќ доаѓа од Катар од екипата на Ал Сад каде настапуваше, а претходно една сезона мина и во екипата на Анхел Хименез во Шпанија.