Заев: Иванов мора да ја повлече одлуката

Претседателот на СДСМ, Зоран Заев, на вчерашната дебата во емисијата „Отворено“, на Телевизија 24 објасни зошто е неопходно формирање нова влада во Македонија согласно мнозинската волја на граѓаните на последните парламентарни избори.

“Ако една земја, тоа е погорливо прашање од правната држава, нема функционални демократски процеси тогаш се отвора прашањето чуму ни се нови избори? Еве, една од големите политички партии бара брзи избори. Сега имаме 67 пратеници, ќе одиме на наредни избори ќе добиеме 72 мандати зад нас, па Ѓорѓе Иванов и нив нема да ги почитува и нема да даде мандат. Зошто кога демократските процеси не функционираат сега, би функционирале после нови избори?

Само за Македонија да потпадне во поголема криза? Да губат повеќе и економијата и граѓаните и државата? Значи, јасен е правецот по кој што мора да се движи Македонија. Ѓорѓе Иванов мора да ја повлече својата одлука и комплетно да го почитува Уставот“, истакна лидерот на СДСМ во гостувањето на Телевизија 24.