МНР на Турција: Странските извештаи се пристрасни

Првичните извештаи на меѓународните набљудувачи кои го надгледуваа референдумот во Турција, одразуваат пристрасност заснована на предрасуди, се вели во соопштение од турското МНР.

Тие велат дека за турската држава е неприфатлива оценката дека гласањето не ги исполнило меѓународните стандарди.

САД ги повикаа денеска лидерите на Турција да ги почитуваат мислењата на опозицијата и слободата на изразување откако на референдум победи опцијата за уставни реформи.

„Вашингтон не го оспорува исходот од референдумот, но забележува дека набљудувачите на ОБСЕ изразиле загриженост и повикуваат владата да ги почитува правата на своите граѓани без оглед за тоа како гласале“. Во соопштение се додава дека имало неправилности на денот на гласање и за време на кампањата.