САД ќе ги засили санкциите кон Северна Кореја

Стратегијата на американскиот претседател Доналд Трамп за Северна Кореја има за цел да изврши притисок врз Пјонгјанг да ги прекине своите програми за разработка на нуклеарно оружје и балистички ракети, преку засилување на санкциите, а Вашингтон останува отворен за преговори, се посочува во заедничкото соопштение на државниот секретар Рекс Тилерсон, министерот за одбрана, Џејмс Матис и директорот на Националното разузнавање, Дан Коутс, цитирано од британските медиуми.

„САД се стремат кон стабилност и мирна денуклеаризација на Корејскиот Полуостров. Остануваме отворени за преговори за постигнување на оваа цел. Меѓутоа, остануваме и подготвени да се одбраниме самите и нашите сојузници“, се дополнува во соопштението.