Интерактивен настан со поширока група граѓани во најголемите трговски центри во Скопје (Ист Гејт и Сити Мол) организира денеска Агенцијата за заштита на правото за слободен пристап до информациите од јавен карактер по повод Меѓународниот ден за универзален пристап до информации од јавен карактер.
- Завршен настан за проектот „Поддршка на социјалните претпријатија следејќи го принципот- Не оставај никој зад себе” организира денеска здружението на граѓани Центар за промоција на одржливи земјоделски практики и рурален развој (ЦеПроСАРД).
- Во централното градско подрачје во Скопје денеска од 9:00 часот ќе биде спроведен посебен сообраќаен режим поради одржување синдикален протест.
- Националната турнеја на проектот „Простор за разговор“- "Dancing (Talking)Table", кој има за задача да ја подигне свеста за родовата еднаквост и семејното насилство продолжува денеска со почеток во 12 часот во Велес.
- Во Крива Паланка од денеска до 7 октомври ќе се одржува Меѓународниот театарски фестивал „Свети Јоаким Осоговоски“, чиј годинашен лауреат е актераката Билјана Драгичевиќ Пројковска.
- „Улогата на заедницата во свесен дизајн и мода“ е темата на годинашното 27. издание на Моден викенд во Скопје (FWSK) кој започнува денеска и ќе трае до 30 септември.
- Времето денеска ќе биде сончево со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 6 до 15, а максималната ќе достигне од 23 до 30 степени.
Полициски службеници од Одделот за криминалистичка полиција- Сектор за недозволена трговија во содејство со Единицата за недозволена трговија со дрога при СВР Скопје денеска околу 13:30 часот на подрачје на скопската населба Автокоманда го лишија од слобода Д.Т. од Скопје.
Целта на Меморандумот, како што информира Кабинетот на Тренчевска, е да се препознае потенцијалот помеѓу државите за соработка и развивање пријателски односи.
Во Демир Капија денеска беа одбележани Европските денови на културното наследство, информираа попладнево од демиркапискиот Вински музеј.
