ЕУ би требало да ги продолжи до средината на мај ограничувањата за патувања, соопшти Европската комисија во врска со вонредните мерки кои имаат за цел да се спречи ширењето на Ковид-19.
Американските служби уште во ноември минатата година предупредиле дека во кинескиот град Вухан се шири инфекција, која влијае на животните навики на луѓето и работата на бизнисите и претставува опасност за населението, јави денеска Еј Би Си њуз.
Во рамки на договорот што го постигна со земјите од ОПЕК, Русија изрази подготвеност за 14 отсто да го намали производството на нафта, што значи за 1,6 милиони барели дневно, соопшти денеска неименуван претставник на руското Министерство за енергетика, пренесе Тасс.
Генералниот секретар на Обединетите нации, Антонио Гутереш, денеска изјави дека сега не е време за оценка на глобаниот одговор на пандемијата на коронавирусот, повикувајќи ја меѓународната заедница, место тоа, да се фокусира на солидарноста во запирањето на вирусот.
Експертите сметаат дека епидемијата во одредени средини на САД го достигна својот врв, но состојбата во Њујорк само статистички се смирува, бидејќи се уште расте бројот на заболени и умрени во другите американски држави.
Светската здравствена организација денеска ги повика САД и Кина да ги обединат своите сили во борбата со пандемијата од коронавирусот, соопштувајќи дека ќе има „многу повеќе жртви без меѓународното единство“.
Од изборниот штаб на Берни Сандерс денеска изјавија дека сенаторот од Вермонт ја заврши кампањата за претседателска номинација од Демократската партија на изборите годинава во ноември.
Во текот на десет дена, четири членови на едно семејство во американската сојузна држава Луизијана починаа од новиот коронавирус.
„ Се очекува светската трговија да се намали за 13-32 отсто, бидејќи пандемијата предизвикана од Ковид -19 ја наруши нормалната економска активност и живот во светот”, забележа СТО.
Директорот на Светската здравствена организација (СЗО) Тедрос Адханом Гебрејесус потсетува дека утре се навршуваат 100 дена од појавата на коронавирусот, поточно од денот кога кинеските власти го известија СЗО дека идентификувале избивање на мистериозна пневмонија во градот Вухан.
