Властите на мозамбичкиот град Беира, чиј регион пред две недели беше погоден од циклонот Идаи при што загинаа најмалку 518 лица, денеска соопштија дека е потврден првиот смртен случај на лице заболено од колера.
Германскиот министер за здравство Јенц Шпан, настојувајќи да се избори со недостиг на донори на органи, предложи денеска реформа која повеќето граѓани, односно оние кои не се спротивставуваат директно, би ги направила потенцијални донори.
Експлозивни направи се пронајдени денеска во близина на детско игралиште во централниот дел на холандскиот град Утрехт, соопшти локалната полиција.
ОН го осудија новиот „суров и нехуман“ закон, што во среда ќе стапи во сила во Брунеј, со кој се предвидува каменување до смрт за на истополов однос, брачно неверство и силување и отсекување на екстремитетите за кражба.
Најмалку 24 пожарникари загинаа во голем шумски пожар во југозападната кинеска провинција Сечуан, соопштија денеска локалните власти.
Американскиот институт на Тајван ја обвини Кина дека се обидува да го поткопа статусот кво во Тајванскиот Проток и го повика Пекинг да ги обнови разговорите со Владата во Тајпеј.
Претседателот на турската Врховна изборна комисија (ЈСК) Сади Гувен изјави дека во трката за градоначалник на Истанбул, според прелиминарните резултати, во моментов води кандидатот на опозициската Републиканска народна партија (ЦХП) Екрем Имамоглу со освоени 4.159.650 гласови, додека кандидатот на владејачката Партија на правдата и развојот (АКП) Бинали Јилдирим освоил 4,131.761 гласови, јави агенцијата Анадолија.
Петицијата со која се бара од британската Влада да го повлече членот 50 и да го преиспита својот план за излез од Европската унија, помина шест милиони потписи, еден и пол ден откако Британија требаше да ја напушти Европската унија.
Русија внимателно ги следи резултатите од изборите во Украина и оттаму се препорачува тие да не бидат признати.
На дизел возилата од стандардот Еуро 2 и на возилата на бензин Еуро 0 и Еуро 1 од денеска им е забрането движење низ Брисел и целиот бриселски регион, а казните за непочитување на оваа забрана изнесуваат 350 евра.
