Британската премиерка Тереза Меј изјави дека побараното одложување на Брегзит ќе му даде можност на британскиот парламент конечно да ја спроведе волјата на граѓаните за излегување од ЕУ.
При експлозијата во хемиска фабрика во источниот дел на Кина загинаа шест лица, додека 30 се тешко повредени.
Кремљ денеска соопшти дека прелетите на американските стратешки бомбардери Б-52 над неутралните води на Балтичко Море во близина на границата со Русија создаваат тензии во регионот.
Германската канцеларка Ангела Меркел денеска изјави дека лидерите на ЕУ најверојатно ќе го одобрат барањето на Велика Британија за тримесечно одлагање на Брегзит, под услов британскиот Парламент да го поддржи Договорот што го постигнаа Владата на премиерката Тереза Меј и ЕУ.
Илон Маск си постави нова амбициозна цел – крај за долгите авионски летови. Благодарение на Спејс-Икс патничката ракета во развој, патот од Лондон до Њујорк ќе трае скоро 29 минути, а до Сиднеј – 51 минута.
Поради глобалното затоплување се топат глечерите на Монт Еверест и се откриваат телата на настраданите планинари, кои останале затрупани во снегот и мразот.
Одлуката на францускиот претседател Емануел Макрон да се распоредат војници за да помогнат во одржувањето на безбедноста за време на протестите на Жолтите елеци планирани за овој викенд предизвика бранувања во Франција, јави дописникот на МИА.
Конструкцијата на првиот железнички мост кој ги поврзува Русија и Кина преку реката Амур е споена од обете страни и треба да биде пуштен во употреба во текот на годината.
Најголемата онлајн книжарница во Норвешка „Адлибрис“ ја продавала книгата „2083: Европска декларација за независност“, која е расистички манифест на убиецот Андерс Брејвик, кој е осуден на 21 година затвор.
Над половина милион потписи се ставени на онлајн петицијата со која се бара премиерката Тереза Меј да го откаже Брегзит со повлекување на Член 50, а поради високото ниво на интернет сообраќај утрово беше урнат сајтот на британскиот Парламент.
