Германските конзервативци преку лидерката на ЦДУ, Анегрет Крамп-Каренбауер, одговорија на предлозите на францускиот претседател Емануел Макрон за Европа, јави дописникот на МИА.
Премиерот на Велика Британија, Тереза Меј, вечерва ќе треба да пристигне во Стразбур со цел да постигне компромис за Брегзит, кој ќе им дозволи на пратениците да го усвојат договорот за излез од ЕУ, изјави ирскиот министер за надворешни работи Симон Ковенеј, јави дописникот на МИА.
Бројот на Албаници во затворите во Велика Британија во последните пет години се зголемил за четирипати, додека нарко групите ги „окупирале“ улиците со евтин кокаин, пишува лондонскиот весник „Дејли Мирор“.
Италијанската опера, миланска „Скала“ е цел на критики поради предлогот министерот за култура на Саудиска Арабија да добие место во Управниот одбор, што на институциујата би и донело дополнителни 16,8 милиони долари.
Американски цариници запленија досега најголема пратка на кокаин пронајдена во пристаништата во Њујорк и Њу Џерси во последните 25 години.
Брисел размислува за неколку казни за Велика Британија како компензација за одолговлекувањето на Брегзит, објави лондонскиот весник „Дејли телеграф“.
Косовскиот портал „коха.нет“ објави денеска препорака на американскиот Центар за контрола и превенција на болестите (ЦДЦ), упатена до туристите кои го посетуваат Косово, да не ја пијат тамошната вода од чешма, јави дописникот на МИА од Приштина.
Јагуар повреди жена во зоолошката градина во близина на Феникс во Аризона, откако ја пречекорила оградата за да направи селфи, се наведува во соопштение од зоолошката градина во кое се додава дека мачката поради тоа нема да биде успиена.
Често сопствениците и нивните миленичиња „наликуваат“ едни на други, а често ги имаат истите „фризури”. Јапонска фирма од неодамна им нуди на сопствениците маски по урнек на нивните миленици. За една таква маска ќе мора да се издвои 2.600 долари, но таа ќе биде многу реалистична.
Во Азербејџан почна голема воена вежба во која учестувуваат 10.000 војници, 500 тенкови и воена техника, 300 ракетни единици и 20 воени авиони.
