Неколку експлозии во шахти, по што следел и пожар, избувнаа синоќа во една од централните улици на Менхетен, а полицијата во Њујорк веднаш интервенирала, објавија американските медиуми.
Портпаролката Хедер Науерт, која американскиот претседател Доналд Трамп ја избра за иден амбасадор на САД во ОН, но никогаш официјално не ја номинира за таа функција, се повлече како можен кандидат, соопшти Стејт департментот.
Американскиот претседател Доналд Трамп истакна дека САД бараат од европските сојузници да „примат назад повеќе од 800“ борци на Исламска држава, кои се заробени во Сирија, и да започнат судски процеси против нив.
Вршителот на должност министер за одбрана на САД, Патрик Шенахан изјави синоќа дека се уште не утврдил колку финансиски средства од Пентагон ќе пренасочи за американскиот претседател Доналд Трамп за изградба на ѕид кон Мексико поради спречување влез на илегални мигранти.
Илјадници поддржувачи на независноста на Каталонија излегоа денеска на протест во Барселона, барајќи да бидат ослободени од обвинувањата 12-те сепаратистички лидери, на кои им се суди поради нивната улога во неуспешниот обид за сецесија во 2017 година.
Француската полиција повеќе пати денеска употреби солзавец кога некои од учесниците во протестот на „жолтите елеци“ се обидоа да скршнат од одобрената маршрута, додека други превртеле големи канти за отпад, барајќи шишиња кои би ги искористеле како оружје.
Српскиот и косовскиот претседател, Александар Вучиќ и Хашим Тачи, во присуство на еврокомесарот за проширување, Јоханес Хан и претседавачот со Минхенската конференција за безбедност Волфганг Ишингер, на денешната панел дискусија „Безбедноста во Југоисточна Европа: два чекора напред, еден чекор назад“ влегоа во „жестока дебата“, а повод за тоа беше договорот меѓу Република Северна Македонија и Грција.
Дел од зградата на универзитет во рускиот град Санкт Петербург се урна попладнево, но сите студенти и професори кои се наоѓале внатре се безбедно евакуирани, соопштија службите за итни случаи.
Дел од зградата на универзитет во Санкт Петербург се урна попладнево, а под урнатините има затрупани луѓе, соопштија очевидци и локалните власти.
Повеќе илјади луѓе протестираа денеска попладне во Минхен, каде се одржува Минхенската конференција за безбедност на која учествуваат лидерите на повеќе земји од светот, против НАТО и заложувајќи се за мир.
