Најмалку 10 лица загинаа во пожари што избувнаа на два брода, што пловат под знаме на Танзанија, во водите на Керчинскиот Теснец, соопшти вечерва руската Федерална агенција за поморска и речна пловидба.
Европската комисија ќе испрати официјално предупредување до земјите членки дека програмите во некои држави на ЕУ кои дозволуваат богати странци да добиваат државјанство, можат да го зголемат ризикот од корупција, затајување данок и перење пари.
Во експлозија во Јемен загинаа петмина пиротехничари, од кои двајца Јужноафриканци и по еден државјанин на Хрватска, Босна и Херцеговина и Косово, соопшти денеска саудиската фирма во која биле вработени жртвите.
Шведското Министерство за надворешни работи соопшти дека денеска во Шведска се одржале „конструктивни“ разговори меѓу претставници на Северна и Јужна Кореја, во кои биле вклучени и САД.
Британската премиерка Тереза Меј денеска ги отфрли повиците за одлагање на истапувањето на Велика Британија од ЕУ, предвидено за 29 март.
Најмалку петмина припадници на бунтовничките Сириски демократски сили (СДФ) загинаа, а двајца американски војници се ранети при самоубиствен бомбашки напад во близина на градот Шахдади во северозападна Сирија, соопшти Сирискиот центар за мониторинг на човековите права.
Венецуелската војска денеска соопшти дека уапсила неколку гардисти, кои украле оружје и киднапирале двајца офицери.
Најмалку 126 припадници на авганистанските безбедносни сили загинаа данеска при напад на талибанските бунтовници врз воен комплекс во провинцијата Мајдан Вардак во централниот дел на Авганистан, соопшти неименуван претставник на властите во Кабул.
Шведскиот премиер Стефан Ловен денеска ја претстави својата Влада, со што е ставен крај на четиримесечната политичка блокада на земјата.
Полицијата во Северна Ирска денеска блокираше улица во еден станбен кварт во градот Лондондери, поради пронајдена „сомнителна направа“.
