Властите на Белгија уапсија уште еден осомничен за терористичките напади во Париз во ноември 2015 година, објави белгискиот весник „Дерниер Ер“.
Американскиот „свиркач“ Даниел Елсберг, познат по откривањето во медиумите на доверливи документи за американската воена вмешаност во Виетнам, е добитник на наградата „Улоф Палме“ во 2018 година.
Шефот на израелската безбедносна агенција Шин Бет, Надав Аргаман предупреди дека една странска земја „има намера да интервенира“ на општите избори во Израел, закажани за април годинава.
Шефот на украинската мисија при НАТО во Брисел, Вадим Пристајко за украинските медиуми изјави дека Украина ги има сите шанси да се приклучи кон Алијансата откако нејзина членка ќе стане Македонија.
Стапката на невработеност во еврозоната во ноември се намали на 7,9 отсто, на најниско ниво во последните 10 години, покажуваат податоците на Евростат.
Европскиот Парламент жестоко го критикуваше пристапот на американскиот претседател Доналд Трамп кон трансатлантските врски и предупреди дека поделбата меѓу сојузниците ќе ги зајакне нивните глобални опоненти.
Малта ќе им дозволи пристап на нејзина териуторија на 49-те мигранти кои од минатиот месец се блокирани на два хуманитрани брода во близина на нејзините територијални води, соопшти денеска малтешкиот премиер Џозеф Мускат.
Турскиот претседател Реџеп Тајип Ердоган наскоро ќе ја посети Москва за да разговара со шефот на руската држава Владимир Путин, соопшти денеска Кремљ.
Претседателката на француската Национална комисија за јавни дебати Шантал Жуано одлучи да се повлече од националната дебата за излез од кризата со „жолтите елеци“, откако во јавноста беа изнесени податоци за висината на нејзината плата.
Министрите на ЕУ вчера, без дебата, додадоа двајца Иранци и еден ирански ентитет на терористичката листа на Унијата.
