Генералниот секретар на НАТО, Јенс Столтенберг денеска изрази жалење поради одлуката на Собранието на Косово да ги усвои законите за создавање косовска војска.
Обидите на британската премиерка Тереза Меј да добие гаранции од Европската унија за постигнатиот Договор за Брегзит, нејзините противници денеска ги прогласија за „срамен неуспех“, што не помогнал во ублажување на отпорот кон документот во Парламентот во Лондон.
Поранешниот британски премиер Тони Блер смета дека Велика Британија и Европската унија треба да се подготвуваат за втор референдум за Брегзит, бидејќи Парламентот во Лондон најверојатно нема да го одобри Dоговорот за истапување на земјата од ЕУ што го постигна британската премиерка Тереза Меј со Брисел.
Европската комисија ќе ги забрза подготовките во случај Велика Британија да излезе од ЕУ без договор за уредено истапување, изјави претседателот на Еврокомисијата, Жан-Клод Јункер.
Ирскиот парламент вчера го усвои предлог законот со кој се легализира абортусот, седум месеци по историскиот референдум на кој Ирците се изјаснија против негова забрана.
Турските сили ќе влезат во сирискиот град Манбиџ, ако САД не обезбедат повлекување на Силите за заштита на народот на сириските Курди од овој регион, изјави во Истанбул турскиот претседател Реџеп Тајип Ердоган.
Турското Јавно обвинителство издаде налози за апсење на 219 активни воени лица, осомничени, дека се поврзани со движењето на исламскиот проповедник Фетулах Ѓулен, кого Анкара го обвинува дека го организирал обидот за пуч во Турција во 2016 година.
Во анализа по повод Акцискиот план за членство на БиХ во НАТО, американската агенција Блумберг предупредува дека следниот судир на НАТО со Русија би можел да се случи на Балканот, нагласувајќи дека Алијансата очекува да прими уште членки од Балканот, каде е „инволвирана во борбата за влијание со Русија“.
Три жени беа прободени со нож минатата ноќ во одделни напади во германскиот град Нирнберг, а полицијата истражува дали трите инциденти се поврзани.
Американскиот претседател Доналд Трамп ја разгледува можноста да го именува својот зет, Џаред Кушнер, за нов шеф на кабинетот на Белата куќа, јави „Хафингтон Пост“.
