Претседателот на шведскиот Парламент денеска му врачи на актуелниот премиер, социјалдемократ Стефан Ловен, нов мандат за формирање влада, два месеца по парламентарните избори во Шведска, по кои никој не успеа да добие потребно мнозинство за да формира влада.
Источна Австралија денеска беше погодена од невообичаен метеоролошки феномен, кој истовремени донел песочна бура, снег и силни ветрови. Ветровите ги разгореа шумските пожари и предизвикаа оштетување и нарушување на транспортните врски во многу области.
Во текот на изминатите пет години, повеќе од 1,8 милиони луѓе аплицирале за азил во Германија. Податоците, првично објавени од германскиот весник „Билд“, покажуваат сериозен пораст на барањата за азил од 123.581 во 2013 година на 723.938 во 2015 година.
Бомбаш-самоубиец се разнесе денеска на пазар во северозападниот дел на Пакистан, при што загинаа 35 лица, а повредени се повеќе од 40, објавија соопштија локалните власти.
Преговарачите на ЕУ се состанаа денеска со цел отстранување на последната пречка пред самитот в неделата на кој треба да се одобри нацрт-договорот за Брегзит, но противењето на Шпанија во однос на Гибралтар може да го доведе во прашање финалниот текст.
Индија официјално ја избра руската компанија Рособоронекспорт за 1,5 милијарди долари вредната програма на индиската војска за воздушна одбрана на мали растојанија.
Летот од Пекинг кон Варшава бил одложен за 10 часа, бидејќи кај авионот што требало да полета се појавил дефект, па морало да се повика мајстор. Меѓутоа, на крајот тој побарал да му платат во готовина, па луѓето од екипажот ги замолиле патниците да помогнат кој колку може.
Првата група од вкупно неколку илјади кубански лекари вчера си замина од Бразил, откако критиките на новиот бразилски претседател Жаир Болсонаро ја натераа кубанската Влада да го прекине договорот за соработка.
Шпанскиот премиер Педро Санчез замина во официјална посета на Куба, која е прва посета на еден шпански премиер по повеќе од три децении.
Населението во главниот град на Кина во 2017 година се намалило за првпат по две децении, покажуваат официјални податоци што ги објави кинеската агенција Ксинхуа.
