И покрај напредокот во намалување на екстремната сиромаштија, речиси половина од светската популација живее со помалку од 5,50 долари дневно. Тенденцијата на пораст на сиромашните продолжува во богатите светски економии, објави Светската банка.
Турција се надева дека денеска ќе влезе во резиденцијата на саудискиот конзул во Истанбул во врска со исчезнувањето на саудискиот новинар Џамал Кашоги.
Ако Британија денеска одржи уште еден референдум за членство на земјата во Европската унија, евроскептиците можеби нема да го повторат нивниот успех, јави ДПА повикувајќи се на анкета чии резултати се објавени денеска.
Јавното обвинителство на Анкара издаде наредба за апсење на 32 осомничени лица во рамки на истрагата за обидот за пуч во Турција во 2016 година, објави телевизијата НТВ.
Приходите на американската компанија „Нетфликс“ во третиот квартал годинава достигнаа четири милијарди долари, што претставува раст од 34 проценти во однос на истиот период минатата година. Истовремено бројот на нови претплатници порасна за седум милиони, што е значително повеќе од предвидувањата на аналитичарите.
Затворот Гвантанамо, во кој воглавно се наоѓаат затвореници обвинети дека учествувале во нападите од 11 септември, може да остане отворен уште најмалку 25 години.
Канада од денеска стана втората земја, по Уругвај, која легализира поседување и рекреативно користење на канабис.
Телото на исчезнатиот саудиски новинар Џамал Кашоги е исечено на парчиња откако претходно бил убиен во саудискиот Конзулат во Истанбул, објави Си-Ен-Ен, повикувајќи се на неименуван турски официјален претставник.
Десетици милиони луѓе ширум светот стравуваат дека ќе ги загубат своите домови и земјиште во следните пет години, меѓу кои младите се особено ранливи, се наведува во истражување спроведено во 15 земји и објавено во Рим.
Израелски воени авиони утрово погодија цели во Појасот Газа откако милитантни сили од таа енклава ракетираа куќа во израелскиот град Беер Шива, соопшти израелската армија.
