Комерцијална банка ја заврши 2018 година со нето добивка во износ од 1.780,3 милиони денари. Акционерите на денешното редовно годишно собрание донесоа одлука за распоредување на нераспределената добивка со тоа што дивидендата за обичните акции ќе изнесува 420 денари за една акција.
Триста компании веќе подигнале апликациски формулар за тековниот повик за кофинансирани грантови за комерцијализација на иновации, инструмент на Фондот за иновации и технолошки развој преку кој се на располагање пет милиони евра.
Претседателот на Стопанска комора Бранко Азески кој денеска ја посети Млекара АД Битола, оцени дека состојбата во млекопроизводството е неповола. Секоторот, според него, се соочува со предизвици.
Во моментов околу 30 отсто од компаниите во земјава се управувани од жени. Тоа е состојба која, како што вели Валентина Дисоска претседателка на Асоцијацијата на бизнис жени, треба да се промени за да се искористи целосниот потенцијал на жените. Тие во пракса се покажале како претпримачи кои повеќе се грижат за вработените и општеството, не само за својот бизнис.
Македонија попиша договор за целосно укинување на роамингот со Србија, Црна Гора, Албанија и БиХ. Доворот го потпишаа министерот за информатичко општество и администрација Дамјан Манчевски и ресорните министри од Западниот Балкан во рамките на вториот дигитален Самит во Белград.
Регулаторната комисија за енергетика предлага да се најдат соодветни механизми со кои на приклучените на парно греење ќе им се овозможи да постават калолиметри.
За најмалку 20 проценти ќе се намали цената за приклучок за електрична енергија за домаќинствата, а ќе има намалување и на цената за приклучок за останатите потрошувачи. Тоа значи дека ако досега домаќинствата плаќаа околу 500 евра за приклучок, отсега ќе плаќаат околу 400 евра.
Народната банка почна активности за подготовка на првата национална стратегија за финансиска едукација на населението, во рамки на проектот за техничка помош за финансиска едукација на Организацијата за економска соработка и развој (ОЕЦД) и Министерството за финансии на Холандија.
Инфо сесија и презентација на Инструментот за кофинансирани грантови за комерцијализација на иновации ќе се одржи денеска во Владата.
Во текот на денешниот ден, во скопскиот регион, беше организиран Караван за зелена економија од страна на регионалниот проект „Вмрежување и застапување за зелена економија“, финансиран од ЕУ. Караванот, на кој присуствуваа 25 претставници на граѓански организации, направи неколку запирања во скопската околина, за да ги запознае учесниците со примери на зелено претприемништво
