Претреси биле извршени кај неколку лица од Кавадарци и Возарци, фатени се лицата кои краделе нафта од товарни возила во Тиквешко. Оваа информација денеска за МИА ја потврди Верољуб Додевски, портпарол во СВР Велес.
Триесет и девет возачи изминатото деноноќие возеле побрзо од дозволеното, а тројца во алкохолизирана состојба. Од сообраќај, покрај алкохолизираните возачи, исклучени се и седум возачи кои возеле пред да се стекнат со правото за управување со моторно возило и еден возач почетник.
Во текот на 2017 година во Куманово 267 малолетници биле упатени во Центарот за социјални работи поради престапништво. Високата бројка ги загрижува надлежните од повеќето институции, кои денеска одржаа прва работна средба и имплементација на програмата „Вештини за адолесценција“, организирана од Министерството за образование и наука, Канцеларијата на ОН за борба против криминал и дрога во соработка со општина Куманово.
Триесет и седумгодишен жител од струмичкото село Еднокуќево синоќа починал во сообраќајка на влезот во село Босилово.
Во полициска акција спроведена ноќеска во угостителски објект во село Жеровјане, тетовското приведени се 11 девојки.
Осум лица се здобиле со полесни телесни повреди во седум од вкупно десет сообраќајки што се случиле во текот на вчерашниот ден во Скопје, а во три била причинета материјална штета.
Попладнево на раскрсницата помеѓу улиците „Марко Крале“ и „Зуфер Мусиќ“, во скопската населба Бутел се запали автомобил.
Полицијата во домовите на двајца скопјани пронајде и одзеде 200 грама хероин, околу 500 грама марихуана, околу 20 грама кокаин, околу 100 грама хашиш, 10 таблети екстази како и четири дигитални ваги, пиштол „Ekol“ со рамка, револвер, околу 20 куршуми различен калибар, повеќе сим картички, панцири, фантомки и лисици, еден пушко – митролез и марихуана..
Триесетишестгодишен жител на Кочани вчера бил тешко повреден извршувајќи работни задачи во печатница во Кочани.
Од сообраќај биле исклучени вкупно 10 возачи, од кои осум пред да се стекнат со право на управување и двајца почетници, како и 10 нерегистрирани возила.
