Секторот за компјутерски криминал и дигитална форензика при Министерството за внатрешни работи до надлежното јавно обвинителство ќе поднесе кривична пријава против M.K. (27) од Охрид, поради објава на социјалната мрежа Фејсбук со која се предизвикува загрозување на сигурноста на пратеник, односно поради постоење основано сомнение за сторено кривично дело по чл.144 „Загрозување на сигурност“ од Кривичниот законик на Република Македонија.
Три лица се потешко повредени во три од 16 сообраќајни незгоди што се случиле изминатите два дена во Скопје. Во 12 сообраќајки со телесни повреди се здобиле девет лица, а во четири сообраќајки била причинета материјална штета.
Мајка го напуштила своето бебе, откако го родила дома и го однела кај бабата. Мајката на родилката го пријавила случајот во полиција и веднаш го однела детето во болница. Од клиниката за детски болести за Алфа велат дека новороденчето е добра здравствена состојба и покрај тоа што мајката го донела на свет во домашни услови.
Регионалниот пат Ростуше-Дебар е во целосен прекин поради случена сообраќајна незгода, информира АМСМ.
Две маскирани лица синоќа ограбиле Спортска обложувалница на улицата „Прилепска“ во Битола.
Педесет и деветгодишниот К.Т. од Битола вчера е тешко повреден од огнено оружје за време на лов со уште четворица негови пријатели во атарот на село Лисолај, Битолско.
Заканувачот од Фејсбук кој преку споделена објава на социјалната мрежа предизвикал загрозување на сигурноста на пратеници во Собранието на Република Македонија ќе заработи кривична пријава.
Од СВР Скопје информираат дека викендов сообраќајната полиција открила и санкционирала поголем број прекршоци. Сто четiриесет и двајца возачи се движеле со брзина поголема од дозволената, девет возачи поминале на крстосница на црвено светло, четири возачи не дале првенство на минување на пешаците на обележан пешачки премин, пет возачи за неправилно престројување, како и еден возач кој не дал првенство на минување на возила во зона на крстосница.
Едно лице е повредено во сообраќајката која попладнево се случила на патот Градско-Прилеп, кај тунелот близу кавадаречкото село Фариш. Портпаролот на СВР Велес, Верољуб Додевски потврди за МИА дека во сообраќајната несреќа учествувале две возила.
Тетовец баран со меѓународа потерница од италијанските власти е уапсен на граничниот премин Ќафасан, на албанско-македонската граница.
