Специјалниот претставник на генералниот секретар на Обединети нации за Јемен, Мартин Грифитс денеска предложи страните вклучени во јеменскиот конфликт да воспостават заедничка контрола врз стратешкото пристаниште Ходеида.
Украинскиот претседател Петро Порошенко денеска го потпиша Законот за суспензија на Договорот за пријателство, соработка и партнерство помеѓу Украина и Русија.
Официјална Анкара денеска истакна дека светот треба да побара правда за убиениот саудиски новинар Џамал Кашоги согласно меѓународното право, откако Ријад исклучи екстрадиција на двајца високи функционери кои турските власти ги сомничат дека го планирале убиството во Истанбул.
Британската премиерка Тереза Меј денеска соопшти дека решила да го откаже гласањето во Долниот дом на Парламентот во Лондон за Договорот за Брегзит, предвидено за утре, затоа што, според неа, документот „би бил одбиен со значително мнозинство“.
Украина останува жариште на тензии во Европа, затоа Грција инсистира страните во конфликтот да ги почитуваат договорите од Минск, чие спроведување ќе помогне за нормализирање на ситуацијата, изјави грчкиот заменик-министер за надворешни работи Јоргос Катругалос во интервју за радио „Кокино“.
Американскиот Стејт департмент ги повикува сите земји во светот ефективно да ја имплементираат борбата против корупцијата и да ги почитуваат антикорупциските повелби на ОН.
Турската државна новинска агенција објави дека обвинители бараат 15 годишни затворски казни за петмина новинари од опозициски весник, што ја зголемува загриженоста во врска со острите мерки на властите против вести кои се критични кон Владата, пишува „Вашингтон Пост“.
Романските власти соопштија дека бројот на бебиња инфицирани од златна стафилокока, бактерија отпорна на лекови, во породилиште во Букурешт, се искачи на 39.
Реагирајќи на изјавата на комесарот за проширување, Јоханес Хан дека Унгарија најверојатно нема да го екстрадира Груевски, унгарскиот министер за надворешни работи, Петер Сијарто кусо изјави дека “комесарот за проширување треба да се грижи за проширувањето, а не за законските процеси во земјите членки“.
На лекарот Дени Муквеге од Демократска Република Конго и на ирачката активистка Надја Мурад денеска во Осло му беше врачена Нобеловата награда за мир за 2018 година.
