Суд во Истанбул им одреди мерка притвор на 26 припадници на Армијата на Турција, осомничени дека се припадници на движењето на исламскиот проповедник Фетулах Ѓулен, кого Анкара го обвинува за создавање паралелни структури во државните органи и дека стои зад обидот за преврат во јули 2016 година.
Гувернерот на американската сојузна држава Калифорнија Џери Браун изјави дека претседателот Доналд Трамп ќе остане запомнет како „лажго, криминалец или будала“.
Бродот кој зад себе влече долги пластични цевки исполнети со воздух, чија цел е да ги „исчисти“ океаните од пластичниот отпад, исплови од Сан Франциско на пробно патување пред да ја продолжи пловидбата кон огромниот куп отпад (ГПГП) во Тихиот Океан, кој се простира на речиси милион квадратни километри.
Германскиот министер за надворешни работи Хајко Маас денеска треба да се сретне со рускиот министер Сергеј Лавров, во последен обид да издејствува запирање на сириско-руско-иранската офанзива врз бунтовничката сириска област Идлиб.
Северна и Јужна Кореја најавија отворање на канцеларија за врски меѓу двете држави, сместена во градот Кесон, како и посета на јужнокорејскиот претседател Мун Џе-ин на Северна Кореја.
Американската сојузна држава Северна Каролина е погодена од силни ветрови и дождови предизвикани од ураганот Флоренс, кој беснее над Атланскиот океан. Најтешко погоден е крајбрежниот град Њу Берн, каде има извештаи за граѓани отсечени во поплавени населби.
Британскиот министер за надворешни работи Џереми Хант изјави дека телевизиската изјава на двајцата Руси, кои наликуваат на мажите обвинети од Лондон за труењето во Солсбери, е измама.
Постапките на САД во Сирија го водат светот до работ на бездната, изјави портпаролката на руското Министерство за надворешни работи Марија Захарова.
САД би можеле да воведат санкции за руско-германскиот гасовод „Северен поток 2“, изјави денеска американскиот министер за енергетика Рик Пери, кој е во посета на Москва.
Во епидемијата на колера во Нигер починаа 55 лица, додека неколку илјади лица се заболени, посебно на подрачјето во близина на Нигерија, соопшти Канцеларијата на ОН за хуманитарни прашања во Нијамеј.
