Во македонската метропола граѓаните кои го користат јавниот градски превоз може да чекаат автобус и до 80 минути. Според постојниот возен ред, актуелен од 1 јануари 2017 година, најчестите автобуси се на седум минути, а автобус може да чекате и до 80 минути. Граѓаните реагираат дека треба да има почесто автобуси бидејќи, кога е шпицот, тие се преполни и нема место за да влезат во автобусот.
Министерството за внатрешни работи од 13 часот ќе воведе посебен сообраќаен режим на сообраќајницата пред Владата на Република Македонија поради најавен протест.
Од 15 декември до 31 декември, Градот Скопје за граѓаните во главниот град подготви најразлични доживувања и незаборавна забава за новогодишните празници во новогодишната населба „ВИНТЕРЛЕНД“ на плоштадот „Македонија“.
Во Центарот за бездомници на Црвен крст денеска градоначалникот на Град Скопје Петре Шилегов заедно со волонтери од Црвен крст поделија пакети со топла облека за бездомниците.
Советот на Општина Аеродром на последната седница го изгласа буџетот за 2019 година во износ од околу една милијарда денари, известуваат од општината.
Спектакуларен концерт на Нокаут се одржа завчера во наменски подготвената просторија на Скопје Мериот хотел. Концертот, кој траеше цели 2 часа, покрај тоа што беше уникатно, предновогодишно уживање кое се преточи во една магична вечер на романтични музички ноти и акустичен звук, им овозможи на сите љубители на музиката на Нокаут да бидат дел од снимањето во живо на новиот акустичен албум на бендот.
Лоциран покрај кејот на реката Вардар близу мостот „Близнак“ во општина Аеродром, објектот на пет ката со едно подниво зафаќа површина од 22.000 метри квадратни. Станува збор за инвестицијата вредна 50 милиони евра која моментно вработува 100 лица.
Градоначалникот Шилегов денеска го посети Дневниот центар на „Здружението за заштита на правото на детето“ во Шуто Оризари, кое ги згрижува децата од улица, и на околу 150 деца им подели новогодишни пакетчиња и билети за посета на Зоолошката градина.
Еден од најпознатите тетовски рок бендови на сите времиња „Елита 5“, денеска ќе одржи голем концерт со наслов „Торнадо во Скопје“ во 20 часот во Македонскиот народен театар, информираат од Културно-информативниот центар.
