Нигуез во Атлетико Мадрид до 2026

Најдобриот стрелец на Европското младинско првенство во Полска, Саул Нигуез, останува верен на својот клуб Атлетико Мадрид и во наредните девет сезони.

Нигуез, кој со своите настапи во дресот на Шпанија на првенството во Полска за играчи до 21 година го привлече вниманието на повеќе европски гиганти, сепак, се реши да остане верен на својот Атлетико.

Тој потпиша нов деветгодишен договор со Атлетико, до 30 јуни 2026 година.

Во новиот договор на Саул Нигуез ќе има и нова откупна клаузула која сега ќе изнесува 150 милиони евра, а е речиси двојно поголема од сегашната која изнесува околу 80 милиони евра.