Посебен сообраќаен режим за натпреварот Вардар - Фенербахче

Посебен сообраќаен режим најавува СВР за вечерашниот натпревар Вардар – Фенербахче што ќе се одигра на националната арена „Филип Втори Македонски” од 20 часот.

Од 14 часот часот ќе биде затворен за сообраќај дел од улицата „Аминта III“, на потегот од крстосницата со „Јордан Хаџиконстантинов Џинот“ до фудалскиот стадион. На стадионот ќе се пропуштаат само возила со посебни пропусници.

Попладне ќе се преземаат мерки за расчистување и дислоцирање на затекнатите возила на сообраќајниците и на паркинг просторите околу стадионот.

Полицијата апелира сите учесници во соораќајот да ги почитуваат соораќајните правила и прописи, а доколку дојдат на натпреварот со возила, за паркирање да ги користат околните дозволени паркинг простори.