Здружението Нефрон ќе го одбележи Европскиот ден на органодарителство

Здружението на бубрежно болни граѓани Нефрон денеска организира тркалезна маса по повод Европскиот ден на органодарителство, кој се одбележува под мотото „Дарувај орган – подари живот“.

Од Здружението информираат дека нивните активности во врска со Европскиот ден на органодарителство се насочени кон подигнување на јавната свест и едукација на целокупното население за потребата и значењето на донирањето органи и ткива и трансплантацијата воопшто.

Во рамки на тркалезната маса здружението Нефрон во соработка со надлежните институции, здравствените професионалци, трансплантираните пациенти, дарителите на органи и оние кои имаат потреба од подарен орган – пациентите на дијализа, ќе одржи кратка презентација на состојбите во државата.