Сообраќајната полиција при СВР Скопје ќе преземе засилени мерки за контрола и регулирање на сообраќајот во насока на олеснување на метежот што ќе настане во посочениот „шпиц“ период, по вчерашното известување од страна на политичка партија дека во наредните триесетина дена, заклучно со 29.12., во периодот од 15 до 17 часот, ќе бидат блокирани повеќе скопски крстосници.

Како што соопшти Министерството за внатрешни работи, на крстосницата кај ТЦ Мавровка, сообраќајот ќе се одвива и олеснува по околните сообраќајници – бул.„Крсте Мисирков“, ул. „Филип 2-ри Македонски“, бул.„Кочо Рацин“ и ул.„Беласица“.

За крстосницата кај Порта Влае, сообраќајот ќе се одвива по околните сообраќајници: бул.„Партизански Одреди“ до мост Влајко, ул.„Ѓорче Петров“ во продолжение по ул.„Адолф Циборовски“, ул.„Ацо Шопов“ до Канал 5 ТВ, ул.„Борис Сарафов“ до кружниот тек бул.„Партизански“ – ул.„Борис Сарафов“.

За крстосница бул.„Јане Сандански“ – бул.„Србија“, сообраќајот ќе се регулира по околните сообраќајници: бул.„12-та Македонска Бригада“, бул.„3-та Македонска Бригада“, бул.„АСНОМ“, бул. „Јане Сандански“ до Веро.

За крстосница кај „Рампа“ (Кисела Вода), сообраќајот ќе се одвива по околните сообраќајници: бул.„Борис Трајковски“ до ул.„Емил Зола“, бул.„3-та Македонска“ до ул.„Крушевска Република“, бул.„Кочо Рацин“ до бул.„Кирил и Методиј“ и Јужен булевар до катната гаража.

За крстосница кај „Мида Моторс“, сообраќајот ќе се регулира по околните сообраќајници: бул.„Илинден“ до ул.„Бледски Договор“, бул.„Илинден“ до ул.„Никола Тесла“, бул.„Партизански Одреди“ до бул.„8-ми Септември“ и бул.„8-ми Септември“ до ул.„Скупи“.

За крстосницата на бул.„Александар Македонски“ (кај т.н. последна “двојка“), сообраќајот ќе се одвива по сообраќајниците бул.„Александар Македонски“ до клучка „Дијамант“, бул.„Александар Македонски“ до кружен тек кај хотел Континентал, бул.„16-та Македонска Бригада“ до кружен тек населба Железара.

И за крстосницата на ул „Васил Чакаларов“ и „Ангел Динев“ сообраќајот ќе се регулира по околните сообраќајници – бул “Митрополит Теодосиј Гологанов“ до ул. “Московска“ и од ул. “Ѓорче Петров право по бул. “Партизански одреди“, наведуваат од МВР.



Автор: Администратор
Објавено на: 30/11/2017 17:07