Енергетската ефикасност на старите згради чини 300 милиони евра

Со инвестиции од 300 милиони евра за енергетска ефикасност во зградите во колективно домување во Македонија за пет до осум години ќе се обезбеди заштеда на 30 до 50 проценти од потрошувачката на енергија за греење и ладење, што е 60 до 70 отсто од вкупната потрошувачка на енергија во домаќинствата.

Тоа го покажуваат прелиминарните проценки на Хабитат-Македонија, НВО за обезбедување едноставни, пристојни и пристапни решенија за живеалишта на оние што живеат во услови на сиромаштија, а кои беа изнесени на денешната експертска консултација за развојот на пазарот во секторот домување со фокус на енергетската ефикасност.