Молотов коктел фрлен во кафулето „Круг“ во Дебар Маало

Како што информираат од МВР, утринава во 03.50 часот во Скопје, на улицa „Наум Наумовски Борче“ во угостителски објект соственост на З.К.(46) од Скопје, од страна на непознат сторител фрлено е стаклено шише во кое најверојатно имало запалива материја и на местото каде што паднало, настанал пожар.

Според неофицијални информации станува збор за култното скопско кафуле Круг лоцирано кај кружниот тек во Дебар Маало.

Пожарот е локализиран од страна на чуварот во угостителскиот објект, при што скршено е стакло од влезната врата од локалот, а повредени лица нема. Извршен е увид на место на настанот, се преземаат мерки за расчистување на случајот.