Во недела традиционално собирање бадникови гранчиња

Во месноста Краста во недела, традиционално на последната недела од годината, ќе се одржи собирањето на бадниковите гранчиња во пресрет на најголемиот христријански празник Божик.

Симболично, првото гранче даб, кој е симбол на среќата и радоста, ќе го пресечат годинашниот кум Влатко Огненовски – Шеф и здравичарот Стефан Хаџи Николов – Штеф.

Централната манифестација ќе се одржи на 6 јануари на платото пред соборниот храм Свети Климент Охридски каде новиот кум ќе го прими Бадникарскиот ќуп од минатогодишниот кум Радко Манов. Традиционално, и на 26-та манифестација ќе биде организирано заминување на пајтоните со кумовите и здравичарите.