Стоилов, Штербик, Гонзалес и Вардар владеат со Скопје

Оваа 2017 е година на Вардар и нашите играчи и клубот ги собираат плодовите од напорната работа и се радуваат на резултатите што ги постигнаа. Нашиот капитен Стојанче Стоилов ја доби наградата за спортист на годината во изборот на градот Скопје и Сојузот на спортски федерации.

Сите индивидуални награди во поединечните категории ги добија „црвено-црните" а најголемото признание - спортист на Скопје за 2017 му припадна на Стојанче Стоилов, капитенот на Вардар. На третото место е Сара Ристовска, крилото на женската екипа на Вардар.

Голманот Арпад Штербик е прогласен за најдобар спортист странец што настапува во Скопје. Раул Гонзалес е најдобриот тренер во градот, а машката екипа на Вардар очекувано ги добие сите пофалби во екипна конкуренција.

Најуспешни 10 спортисти во сениорска категорија во сениорска категорија (жени и мажи)

1. Стојанче Стоилов - Ракометен клуб Вардар

Учесник во Лигата на Шампиони 2016/2017 и со својот клуб го освои првото место во Лига на Шампиони во ракомет на завршниот финал – фор турнир во Келн, Германија.

2. Дејан Георгиевски - Таеквандо клуб Бутел

Прво место на европско сениорско првенство одржано во Софија – Бугарија.

3. Сара Ристевска - Женски ракометен клуб Вардар

Учесник во Лигата на Шампиони 2016/2017 и со својот клуб го освои второто место во Лига на шампиони во Будимпешта – Унгарија.

4. Сара Радичевска - Карате клуб Макпетрол

5-то место на Европско првенство во Коџаели, Турција.

5. Евгениј Поп Ацев - Академски пливачко ватерполо клуб Студент

Прво место на светска ранг листа во далечинско пливање.

6. Ненад Келебиќ - Карате клуб Цветан Димов

Освоено трето место на Балканско првенство и 46-ти на светската ранг листа.

7. Берна Шерифовска - Џудо клуб Миоки

Трето место на Балканско првенство за сениори во Скопје.

8. Енес Смајлагиќ - Карате клуб Цветан Димов

Освоено трето место на Балканско првенство и 55-ти на светската ранг листа.

9. Дрита Ислами - Атлетски клуб Работнички

Прво место во ЕП – трета дивизија, 400 метри пречки и 5-то место на ЕП, трета дивизија, 200 метри.

10. Бобан Николов - Фудбалски клуб Вардар

Учество со својот клуб во група во Лига Европа на УЕФА, каде што за прв пат во историјата се натпреварува македонски клуб.

Најуспешни 5 спортисти во младинска категорија (жени и мажи)

1. Петар Заборски – Карате клуб Макпетрол

Бронзен медал на Европско првенство во Софија – Бугарија, У21.

2. Филип Кузмановски – Ракометен клуб Металург

Член во младинската репрезентација и освоено 6 место на светското првенство во Алжир, У21.

3. Моника Пендаровска – Карате клуб Макпетрол

Златен медал на балканско првенство во Херцег Нови, Црна Гора.

4. Елмедин Сејфулаху - Боречки клуб Лирија 2010

Второ место на балканско првенство во Бурса, Турција.

5. Хамза Јашари – Џудо клуб Миоки

Трето место на балканското првенство за кадети, и петто место на европското првенство за кадети.

Категорија најталентиран млад спортист - кадет за 2017 година

Аид Салихаси - Боречки клуб Тефејуз

Освоено прво место на балканско првенство во Словенија.

Најуспешен тренер

Раул Гонзалес – Ракометен клуб Вардар

Учесник во Лигата на Шампиони 2016/2017 и со својот клуб го освои првото место во Лига на Шампиони во ракомет на завршниот финал – фор турнир во Келн, Германија.

Најуспешна спортска екипа од Скопје

Ракометен клуб Вардар

Клупски европски шампион за 2017 година, освоено прво место на завршниот финал – фор турнир во Келн, Германија.

Најуспешен спортист - странец кој настапува во екипа од Скопје

Арпад Штербик – Ракометен клуб Вардар

Учесник во Лигата на Шампиони 2016/2017 и со својот клуб го освои првото место во Лига на Шампиони во ракомет на завршниот финал – фор турнир во Келн, Германија и прогласен за најдобар ракометар во светот за 2017 година.

Најуспешен спортист во категоријата на лица со посебни потреби

1. Андреј Стојаноски – Пливачки клуб Бета

Освоено четврто место на Олимпијадата за глуви во дисциплините 400 метри мешано и 400 метри слободно, одржана во Самсунг, Турција.

2. Флоренс Герет – Пливачки клуб Бета

Освоено прво место во дисциплина 50 метри грбно на европското првенство за лица со даунов синдром, одржано во Париз, Франција.