Шилегов: Aвтомобилите од внатрешноста може, но не мора да се оставаат на влезот во Скопје

На граѓаните кои со возила доаѓаат од другите градови во Скопје ќе им биде овозможено да ги паркираат на паркинзи на влезот од Градот и потоа да користат градски превоз.

– Тоа во никој случај не значи дека ќе им се забрани со нив да влегуваат во главниот град – рече градоначалникот на Град Скопје, Петре Шилегов.

Според него, претходните информации дека ќе се забрани влез во Скопје на возила од другите градови не биле точни.

– Парк енд рајд е систем кој е на доброволна основа и нема намера да стопира влез со возила во Скопје за граѓаните од другите градови. Скопје како што доликува на европските метроли, на граѓаните кои доаѓаат од другите градови, а дневно влегуваат и по 40 илјади автомобили, да им понудиме можност тие да ги остават на влезот во Скопје и да ги користат услугите на јавниот транспорт – рече Шилегов.