Детето од Ѓорче во стабилна состојба, но со тежок потрес на мозокот

Детето што вечерва беше повредено во сообраќајка на улицата „Борис Сарафов“ во населбата Ѓорче Петров е во стабилна здравствена состојба, но има скршеница на черепот и тежок потрес на мозокот, информира за МИА дежурниот лекар на Клиниката за неврохирургија д-р Александар Чапаревски.

Според Чапаревски, детето ќе биде задржано на опсервација.

Незгодата се случи откако возило „опел астра“ удри во детето, а набрзо потоа жителите од „Борис Сарафов“ го блокираа сообраќајот во знак на револт поради брзото возење и непочитувањето на сообраќајните знаци.