Приведени двајца браќа поради производство и продажба наркотични дроги

Секторот за внатрешни работи Скопје, до Основното јавно обвинителство Скопје поднесе кривична пријава против Р.Д. (27) од Скопје поради постоење основи на сомнение дека извршил кривично дело „неовластено производство и пуштање во промет наркотични дроги, психотропни супстанции и прекурсори“, казниво по член 215 од Кривичниот законик на Република Македонија.

МВР информира дека на 16.04.2018 година, по издадена судска наредба, полициски службеници извршиле претрес во домот на Р.Д. на улицата „Сава Михајлов“ во Скопје, каде бил затекнат и неговиот брат Б.Д. (30). При претресот биле пронајдени една вреќа, едно најлонско пакување, еден шприц и вага кои биле одземени и дадени на вештачење. Од вештачењето било утврдено дека во вреќата и најлонското пакување има 558 грама марихуана, во шприцот има еден мл хашиш и на вагата имало остатоци од марихуана. Пријавениот и неговиот брат биле лишени од слобода и задржани во Полициската станица Гази Баба.