Кривична пријава за скопјанец за разбојништва во аптеки

СВР Битола до дитолското Основно јавно обвинителство поднесе кривична пријава против Д.Ј. (31) од Скопје заради сомнение дека пријавениот сторил седум разбојништва во аптеки во Битола.

Пријавениот во периодот од 4 јануари до 10 април годинава со употреба на пиштол, извршил седум кривични дела разбојништво во аптеки на различни локации во Битола, информира Сања Стаматова, портпарол на СВР-Битола.

Тој им го вперувал пиштолот на вработените во аптеките и им ги барал парите од дневниот промет, а во еден случај покрај парите од вработената во аптеката побарал и одзел осум шишиња метадон од по 10 милилитри.

Со сторените дела пријавениот се стекнал со противправна имотна корист од 126.100 денари.