Интернационално крапско дружење на акумулацијата Палурци
Дваесет и една екипа од Македонија, Бугарија, Србија и Грција ќе учествуваат на Првото Интернационално Крапско дружење што денеска почнува на акумулацијата Палурци кај Богданци.
-Натпреварувањето трае 50 часови, а најдобрите спортски риболовци на крап и амур ќе бидат познати в недела на пладне, информираат од организаторот, ЗСР „Костреш“ од Богданци.
Екипите се составени од двајца натпреварувачи, еден резервен натпреварувач и капитен на екипата. Сите учесници мора да бидат регистрирани спортски риболовци за 2018 година и да поседуваат спортска легитимација.
На Крапското дружење дозволен е само улов на крап и амур, а ќе се бодуваат само уловените примероци од над еден килограм.
