Рамазанска Ифтарска вечера во Струмица
Вечерва на Плоштадот „Гоце Делчев“ во Струмица се одржа заедничка Рамазанска Ифтарска вечера на верниците од муслиманска вероисповед.
Околу две илјади верници по зајдсисонце заднички вечераа по завршувањето на денешниот четврти ден од вкупно триесетте денови пост во чест на големиот празник Рамазан.
На заедничката Рамазанска Ифтарска вечера присуствуваше градоначалникот на Струмица Коста Јаневски, градоначалникот на Босилово Зоран Зимбаков и членовите на Советот на општина Струмица.
Градоначалникот Јаневски ги поздрави присутните им посака вечерниот оброк наречен Ифтар, како чин на завршувањето на еден ден од постот, да им помине во убав и пријателски амбиент и да ви биде доволен потстрек за продолжението на Исламскиот Рамазански пост.
- За мене и за останатите гости од Општината, оваа вечер значи подобро запознавање со вашата традиција. Колку повеќе се познаваме, толку повеќе се разбираме, а колку повеќе се разбираме толку поубав ќе ни биде животот кој заеднички го живееме, истакна градоначалникот на Струмица, Коста Јаневски.
Рамазанската Ифтарска вечера ја организираа Здружението на граѓани „Дост Ели“ од Струмица, а во соработка со Општина Бајрам Паша од Истанбул,Република Турција.
