Во Вевчани повторно спасена мечка фатена во замка

Група ловџии од ловното друштво „Церн Камен” од Вевчани спасија мечка која беше фатена во замка. Животното беше заплеткано во жичана сајла во шумата над селото и ако не ја пронајдеа, најверојатно ќе угинеше.

“Мечката ќе умреше од глад, за неа најголема опасност е човекот кој ја лови за крзното, а има и други предатори во шумата, иако таа е најголемо животно на овие простори. Меѓутоа, кога е врзана таа е немоќна да се одбрани”, вели искусен ловџија од Вевчани.

Во ослободувањето на заробеното животно учествуваа и жители од селото Подгорци.

Пред неколку месеци ловџиите од “Церн Камен” спасија уште една мечка на Јабланица. Тие тогаш за да ја ослободат мечката мораа да употребат багер.