Пробно заѕвони штипската Саат кула

Штипјани од денеска повторно ќе го слушаат ѕвоното на Саат култа, која се наоѓа во центарот на градот. Пробните обиди за нејзино ставање во функција се успешни соопштија денеска надлежните од Заводот за заштита на споменици и Музеј на град Штип, а под чија заштита е овој споменик на културата.

Проект за реставрација на Саат кулата има, но се бара донатор кој финансиски ќе помогне во возобновувањето на овој споменик, кој според одредени пишани документи датира од 1650 година.

Саат кулата меѓу штипјани е позната и како Бегова кула, која била изградена од турски бег, кој живеел во Штип, но неговото име не е запишано.

Тој ја изградил кулата за заштита на семејството во кризни времиња, а дел од кулата е урнат во 1934 година.