Библиотеките во Струмица се подготвуваат за нова услуга за кариерно водење

Десет јавни бибилиотеки во Струмица се подготвуваат за воведување нова услуга за кариерно водење.

Според претседателката на Здружението за развој и иновации на библиотеки „Инова Либ“ од Радовиш, Иванка Соколова, со задолжителното средно образование и отворањето на голем број високообразовни институции скорo во секој град во Македонија, се создала конфузија кај младата популација во однос на изборот и донесување одлуки за изборот на професионалната ориентација.

- Библиотеките како центри на заедницата, а имајќи предвид дека тежнеат да бидат мултифункционални центри можат да одговарат на оваа потреба и да се соочат со овој проблем во однос на создавање на нови библиотекарски услуги, конкретно за кариерно образование на младите, рече Иванка Соколова, претседателка на Здружението за развој и иновации на библиотеки „Инова Либ“ од Радовиш.

Според неа, библиотеките можат покрај воведувањето на услугата за кариерно водење да воведат и други услуги, како што се помош за здравствени едукации, помош за невработени лица и други услуги.

Дводневната работилница во Струмица се реализира во рамките на проектот „Креативни умови ја креаираат иднината“, финансиски поддржан од Амбасадата на САД во Македонија.