Министерот Адеми се сретна со Дритеро Касапи, директор на Шведскиот национален театар

Министерот за култура Асаф Адеми денеска имаше работна средба со Дритеро Касапи, директор на Шведскиот национален театар „Рикстеатерн“.

Скопјанецот Касапи своето образование го стекна на Факултетот за драмски уметности и има 20 години искуство како режисер во Шведска и во други земји од Европа, како и неколку водечки позиции - менаџер и уметнички директор.

На средбата во Министерството за култура Адеми и Касапи разговарале за можностите за воспоставување соработка помеѓу театарските установи од Македонија со Шведскиот национален театар, која е една од најреномираните театарски куќи во Кралството Шведска.

- На состанокот стана збор и за можноста за создавање копродукциски проекти кои во иднина би се прикажувале пред публиката во двете земји, информира Министерството за култура.