Вимблдон 2018: Федерер почнува против Лајовиќ, Надал против Села

Денешната ждрепка во „Вимблдон“ одлучи Роџер Федерер, кој е прв носител на турнирот и ќе ја брани титулата од минатата година, да го започне настапот со дуел против Србинот Душан Лајовиќ, кој е под број 57 на светската листа.

Натпреварот на програма е в понеделник од 14 часот по локално време.

Вториот носител на Гренд слем турнирот и прв светски тенисер, Рафаел Надал, ќе игра против Дуди Села од Израел, кој е 129-ти играч на АТП ранг-листата.

Најдобриот српски тенисер и поранешен освојувач на турнирот во „Ол Ингланд клубот“, Новак Ѓоковиќ е 12-ти носител, а во првиот круг ќе игра против Американецот Тенис Сандгрен (56-ти на листа).

Енди Мареј, кој ќе настапи по речиси едногодишна пауза поради повредите, ќе игра против Беноа Пер во првиот круг.

Финалето на Вимблдон е на 15-ти јули.