Пол-позицијата во Австрија за Ботас

Пилотот на Мерцедес, Валтери Ботас ќе стартува од пол-позицијата на трката во Формула 1 за Големата награда на Австрија.

Ботас во денешните квалификации извози најбрз круг со време 1:03.130 минута.

Неговиот клупски колега Луис Хамилтон ќе тргне од првиот ред од втората позиција.

По тандемот на Мерцедес ќе тргне двоецот на Ферари, Себастијан Фетел и Кими Раиконен.

Од петтата до десеттата стартна позиција се пласираа: Ферстапен, Грожан, Рикиардо, Магнусен, Сајнц и Хулкенберг.

Австриското Гран при на „Ред Бул Ринг“ во Спилберг ќе почне утре во 15 часот и 10 минути.