Јотовски се пласираше во второто коло на турнирот во Австрија

Македонскиот тенисер Томислав Јотовски се пласираше во второто коло на ИТФ фјучерсот во Крамзах, Австрија.

Тој на стартот од турнирот со 2:0 во сетови го совлада австрискиот тенисер Филип Шрол.

Јотовски, иако е втор носител, потешко од очекуваното стигна до победата во првото коло, но по час и половина игра сепак успеа да го скрши отпорот на домашниот тенисер.

Најдобриот македонски тенисер во второто коло ќе игра против Аргентинецот Фермин Тенти.